Әтисе караватка фен куйгач, 3 атналык баланың киемнәренә ут капкан

Башкортстанда хастаханәдә 3 атналык сабый вафат булган. Фаҗига Октябрьск шәһәрендә була. Фатирда яңа туган бала пешә, дип хәбәр итә Гадәттән тыш хәлләр министрлыгының Башкортстан буенча Баш идарәсе.

Баланы 26 майда хастаханәгә китерәләр, ул 3-4 дәрәҗәдә пешкән була.

Ата-анасы сүзләренчә, әти кеше бала ята торган караватка эшләп тора торган фен куя, һәм караватка ут каба. Бу вакытта әниләре 2 һәм 4 яшьлек ике баласын бакчага илтәргә киткән була. Яңа туган сабый өйдә әтисе белән генә кала. Фен куйгач, карават матрасына ут каба, аннары баланың киемнәре яна башлый, диелә хәбәрдә.

Интертат

Фото:пресс-служба главного управления МЧС по РБ, архивное фото