Әтисе, йола дип, яңа туган сабыйның кендеген чәйнәп өзгән

Петербургта яшь әнинең өйдә бала табуы чак кына фаҗигагә әйләнми кала – яшь әти сәер йола үткәрергә һәм... сабыйның кендеген чәйнәп өзәргә булган. Бала канга баткан, ләкин табиблар аны коткарырга өлгергән.

Бу пар башта ук бала табуны өйдә үткәрү өчен табиблар ярдәменнән баш тарткан. Барысы да йола хакына, имеш: яшь әти, яңа туган балага «көчен бирсен» өчен сабыйның кендеген чәйнәп өзәргә тиеш. Табиблар могҗиза белән генә сабыйны коткарып кала алганнар – кан китүне вакытында туктатканнар. Хәзер малайның тормышына берни дә янамый.

Ләкин сәер хәлләр моның белән генә бетмәгән: больницада яшь әни плацентаны үзенә бирүен үтенгән. Хатын аны суыткычта туңдырырга һәм аннан ризык әзерләргә планлаштырган: янәсе, бала табудан соң була торган депрессияне профилактикалау өчен плацента кирәк булачак. Плацентаны ризык итеп куллану соңгы вакытта социаль челтәрләрдә популяр трендка әйләнде. Әмма мондый практиканың нәтиҗәлелеге  фәнни расланмаган. Аптырыйсы гына кала инде.

Матбугат.ру

Фото: ясалма интеллект программасыннан алынды