22енчегә бала көтә

Британиядә яшәүче Сью Рэдфорд, гәрчә, башка бала тапмыйм дип вәгъдә итсә дә, 22нчегә бала көтә. Бу хакта 20 октябрьдә гаилә үз YouTube каналында хәбәр итте. 
Әле былтыр гына Сью һәм аның тормыш иптәше Ноэль балага узуны планлаштырмаулары турында белдергән иделәр. Баксаң, Рэдфордларның инде 21 баласы бар, шуларның соңгысы 2018 елда туган икән. 
Хәзерге вакытта 44 яшьлек Сьюның көмәнлек срогы 15 нче атна икән, һәм бала җенесе әлегә билгеле түгел, ди. Хатын үзе малай тууын тели, чөнки бу очракта аларның 11 малай һәм 11 кызлары булачак.