20 августта «Крылья Советов» паркында «Балкыш» фестиваленең гала-концерты була

Казанлылар артистлар чыгышын шулай ук Татарстан Республикасының «ВКонтакте»дагы рәсми паблигында да карый алачак. Чара 11.00 сәгатькә планлаштырылган.

Быел фестиваль Бөек Ватан сугышында Җиңүнең 75 еллыгына, ТАССРның 100 еллыгына һәм Казанның «Хезмәт батырлыгы шәһәре» исеменә лаек булуына багышланган, дип хәбәр итә ТР ветераннарының (пенсионерларының) региональ иҗтимагый оешмасы.

Исегезгә төшерәбез, Казанны "Хезмәт батырлыгы шәһәре" дигән мактаулы исем бирү турындагы указны РФ Президенты Владимир Путин имзалады. Татарстан башкаласыннан тыш, бу исемгә тагын 19 Россия шәһәре лаек булды. Казанны хезмәт батырлыгы шәһәре буларак яклап 2 млн 400 мең имза җыелган. Гаризаны Казанда яшәүчеләр генә түгел, республика башкаласының ветераннар оешмалары һәм сәнәгать предприятиеләре дә, Татарстан халкы, Мәскәү иҗтимагый оешмалары, Россиянең һәм чит илләрнең барлык татар мәдәни үзәкләре хуплады.

Гала-концертны трансляцияләүне күрү өчен түбәндәгеләрне эшләргә кирәк: 20 августта 11.00 сәгатьтә шушы сылтама буенча керегез (бары тик аңа басарга гына кирәк). Трансляциягә сылтама: https://vk.com/video-85877975_456241625