1 гыйнвардан пенсияләр артачак: Татарстанда кемгә кагыла бу?

Республика пенсионерлары нинди өстәмәгә исәп тота ала?

1 гыйнвардан Татарстан пенсионерларының пенсияләре 7,6% ка индексацияләнәчәк. Бу күрсәткеч инфляциядән югарырак булачак, ул 6,8% дәрәҗәсендә булыр дип фаразлана. Шунысын да билгеләп үтәргә кирәк, бу бары тик иминият пенсияләренә генә кагылачак, социаль пенсияләрне 1 апрельдән арттырырга планлаштыралар.

Димәк, иминият пенсияләре күләме уртача 2 мең сумга артачак.

Исегезгә төшерәбез, иминият пенсиясен алу өчен кимендә 15 ел рәсми хезмәт стажы булырга, шулай ук ким дигәндә 30 пенсия баллы тупларга кирәк. индивидуаль пенсия коэффициенты аз гына җитмәсә, балларны ирекле кертемнәр кертү юлы белән сатып алырга мөмкин.