Зеленодольск фермерлары ярдәм алачак
Быел республикада үсемлекчелеккә һәм мелиорациягә дүрт миллиард сумнан артык акча биреләчәк.
Минераль ашламалар сатып алуга субсидияләр гектарына 400 сумнан 450 сумга кадәр арттырылды. Ярдәм күрсәтеләчәк кешеләр исемлегендә дүрт Яшел Үзән хуҗалыгы да бар.
Олы Карагуҗа авылында, башлыгы Дания Җиһаншина булган крестьян-фермерлык хуҗалыгында чәчүгә әзерләнү бара: механизаторлар барлык техниканың сезонлы эшләргә әзер булуына ышандыралар. Җиһаншин КФХында сыйфатлы чәчү материалын узган көздә үк әзерләгәннәр, хәтта запас белән: 11 тонна борчак һәм 30 тоннага якын бодай белән арпа. Чәчү мәйданнарын арттырырга уйласалар, өстәмә элиталы сортлар сатып алачаклар.
Анализ ясалган: бөртекле һәм кузаклы культуралар орлыклары яхшы кышлаган. Кыр эшләрен һәм уҗым культураларын ашламалауны апрель азагында башларга уйлыйлар.
Олы Карагуҗа фермерларының төп теләге - буш кырларны киметү. Авылда бизнес алып баруның һәм идарә итүнең төрле ысулларын эзлиләр.
Следите за самым важным и интересным в Telegram-каналеТатмедиа
Нет комментариев