Васильево өлкәннәр поликлиникасында тар юнәлешле яңа табиб - яшь кардиолог Динар Гариф улы Миңнебаев

Васильевоны очраклы гына сайламаган: Казан да якын һәм «земский доктор» программасы да эшли. Шулай итеп, Динар Гариф улы Татарстанның иң зур бистәсендә урнаша. Җирле поликлиникада кабул итү алып бара, Зеленодольск үзәк район хастаханәсенең кардиологиясендә дежурлык ала.

- Кабул итүдә әлегә пациентлар күп түгел, күрәсең, кардиолог барлыгын бөтен кеше дә белмидер. Регистратурада талоннар бар, ләкин, әлбәттә, терапевттан юллама алу яхшырак, ди табиб.

Ә алга таба йөрәгең халәте белән эш итүне яңа белгеч дәвам итәчәк.