Татар Әҗәлесе авылыннан рәхмәт сүзләре килеп иреште

Хәерле көннәр, кызлар! Сезгә рәхмәт әйтеп шалтыратуым иде. Бер әйтү белән безнең проблеманы чиштегез дә куйдыгыз. 

Норлат авылы Сабан туенда сезгә безне ничә еллар борчыган сорау белән мөрәҗәгать иткән идек. Татар Әҗәлесе авылында үзәк юл кырыйларын агачлар басып китте. Авылның икенче урамыннан чыкканда, үзәк юлдан килүче транспорт бөтенләй күренми иде. Аллаһ саклагандыр инде, чак кына фаҗигаләр дә булмый калды шуның аркасында. Менә шул агачларны күпме кисүләрен сорап йөрсәк тә, безнең гозерне колак аша гына уздырдылар.

Ильсия Мансуровна, Сезгә, ТКХ хезмәткәрләренә зур рәхмәтләребезне җиткерәбез, берничә көннән агачларны кисеп, юлны чип-чиста итеп калдырдылар.