Садыйковлар гаиләсе – Мулла Иле авылы «Халык фронты»ның иң актив волонтерлары

Рамил Гадил улы – Мулла Иле төп гомуми белем бирү мәктәбенең хезмәт фәне укытучысы. Үз укучылары  белән ул технология дәресләрендә йөзләрчә окоп шәме ясый, ай саен "Халык фронты" Норлат штабына бутилизацияләнгән су, сугышка җибәрү өчен продукталар алып килә. Күптән түгел Рамил Гадил улы авыл кибетләрендә сугышчыларга посылка җыю өчен тартма кую инициативасы белән дә чыкты. Авылдашлары да игелекле эшкә кушылды.

Менә бу юлы да берничә посылканы Садыйковлар "Халык фронты" Норлат штабына алып килде.

Актив волонтерлык эшчәнлеге, чын патриотлык өчен Рамил Гадил улы һәм аның тормыш иптәше Лилиягә рәхмәтебезне белдерәбез.

Роза Ягудина