КУЛЫ - АЛТЫН, ТЕЛЕ- БАЛ

Авыл плотинасы янына куелачак агач скульптураларны ясарга алынган агач остасы Михаил кулыннан гөлләр тамдыра.

Белгәнегезчә, Каюм Насыйри Казан татарларының гореф-гадәтләре һәм ышанулары буенча фәнни хезмәт яза һәм татарларның мифологик образларын тасвирлап, алар турында төрле риваятьләр, легендаларны туплап калдыра. Болар - Убыр, Абзар иясе, Кирәмәт, Су анасы, Су бабасы, Дию, Җен, Шүрәле һәм башкалар , барысы 13 мифологик образ. Каюм Насыйри хезмәте чыкканнан алып бары 40 ел узгач кына Тукай үзенең "Шүрәле"сен, "Су анасы"н иҗат итә. Менә ничек рухландыра Каюм баба бөек шагыйребезне!

Менә шушы 13 мифологик образ, агач сын булып, авыл плотинасы янына урнаштырылачак. Иң популяр сын су янында чәчләрен тарап утыручы Су анасы булыр, дип уйлыйбыз.
Без Михаилның хәлен белергә барган көнне талантлы сынчы, аның эшләре белән танышырга бертөркем авылдашлар да килгән иде . Кызык бит, нәрсә майтарып ята икән бу чибәр егет?! Михаил иҗат иткән сыннар барыбызга да ошады, афәрин! Әмма Вакыт галиҗанәпләре кыса, өлгерсен генә инде, дип язалар Кече Шырдан Вк төркемендә.