Китапханәгә сәяхәт
Ислам динен кабул итүнең 1100 еллыгы кысаларында һәм татарның зыялы шәхесләрен өйрәнү максаты белән шәһәребезнең 26нчы номерлы татар милли китапханәсендә халкыбызның яраткан драматургы Кәрим Тинчуринның (1887-1938) 135 еллык юбилеена багышланган әдәби кичәдә Яшел Үзән мәдрәсәсендә укучы ханымнар белән кунакта булдык.
Китапханә мөдире Юлия Борһанова Кәрим Тинчуринның тормышы, иҗаты белән таныштырды. Аның чыгышы видео-музыкаль язмалар белән үрелеп барды. Китапханәче Гөлнара Билалова якташыбыз, Бакырчы авылында туып үскән язучы Юныс Сафиуллинның китапларын тәкъдим итте.
Кичәнең икенче өлешендә халкыбызның милли бизәкләрен кулланып, мастер-класс оештырдык. Соңыннан түгәрәк өстәл артында тәм-том белән чәй эчтек, уздырылган чара буенча фикер уртаклаштык. Кичә иҗади һәм күңелле булды, барыбыз да аралашудан рухи канәгатьләнү алдык. Китапханә хезмәткәрләренә рәхмәтләр әйтеп, эшләрендә уңышлар теләп, таралыштык.
Следите за самым важным и интересным в Telegram-каналеТатмедиа
Нет комментариев