Язгы чәчүләр беткәч Сабантуйны бәйрәм итсәк, көзен «Уңыш бәйрәмен» уздырабыз

- Һәр ел, авылыбыз мәдәният йортында «Уңыш бәйрәме» дип исемләнгән, көзге уңышлардан торган күргәзмә өстәле әзерлибез. Бирегә һәрбер кеше үзенең кул эшләнмәләрен, әзерләгән ризыкларын да алып килә. Өстәлләр көзге муллыктан сыгылып тора. Әле ул гына да түгел, шушы матурлыкка сокланырга килүчеләр белән, төрле уеннар да уйнадык, көз темасына багышланган сынамышлар, мәкальләр искә төшердек. Максатыбыз, авылдашларның аз гына булса да матурлык тудырып, күңелләрен күтәрү, - ди Татар Танае мәдәният йорты мөдире Миләүшә Акмалова.