Яшел Үзәннең Олы Яке авылы мәчетендә ифтар ашы узды
Изге рамазан мөселман халкы өчен башка айлардан аерылып тора торган иң кадерле ай. Шушы айда ифтар ашлары уздыру матур, күркәм гадәткә кереп бара.
2 март көнне Олы Яке авылы мәчетендә зурлап ифтар ашы уздырылды.
– Ифтарда 60ка якын кеше катнашты. Барлык булышучы кызларга, егетләргә олы рәхмәтебезне җиткерәбез. Аллаһ Тәгалә барыбызны да рәхим-шәфкатеннән аермасын. Изге айда гына түгел, ел буе бер-беребезне хөрмәт итеп яшик. Аннан, элеккеге мәчетнең макетын ясаттырган идек. Һәм шуны гаиләбез исеменнән бүләк иттем. Бездән соң килгән буын элеккеге иман йортының ничек булуын күрсен, тарих онытылмасын, максатыбыз шул. Ә авыз ачтыру чарасы бик күркәм булып узды. Аллаһ Тәгалә кабул кылсын, – дип сөйли Лилия Әхмәтшакирова.
Следите за самым важным и интересным в Telegram-каналеТатмедиа
Нет комментариев