Яшел Үзән районы Олы Карауҗа авылы мәдәният йортында да китапханә белән берлектә Ватанны Саклаучылар бәйрәме уңаеннан “Шашка һәм шахмат” уеннары буенча турнир узды

- Әлеге турнирда төрле яшьтәге ир-егетләребез үзләренең көчләрен сынашып,төрле дәрәҗәдәге урыннар яуладылар. Җиңүчеләрне матур бүләкләр белән дә сөендердек.Бәйрәмебезнең спонсоры булган Карауҗа авылы егетләренә һәрвакыт безгә ярдәм кулы сузганнары,безнең белән бер карашта булганнары өчен зур рәхмәтебезне белдерәбез.

Алга таба да бергәләп шундый матур чаралар уздырырга язсын иде.Ә инде ир-егетләребезгә саулыкның ныгын,гомернең пар канатлы-озынын,мулын телибез.Ватаныбызны да, гаиләләребезне дә саклаучы һәм яклаучы булып, матур гомер итегез, кадерле ир-атларыбыз, -  дип яза Зур Карауҗа авылы мәдәният йорты мөдире Миләүшә Минһаҗева.