Яшел Үзән районы Бәчек авылы егетләре «Әниләр» чишмәсе янын җыештырган

– Бәчек авылының бер төркем егетләре «Әниләр» чишмәсе янын җыештырды. Кирәкмәгән агачларны кисеп, тәртипкә китереп кайттылар. Рамазан аенда башкарган эшләре өчен Аллаһның рәхмәтләре яусын аларга. Хуҗалык тирәсендә, бакчада мең төрле мәшәкать башланганчы дип, шушы изге гамәлне үтәүләре күпләргә үрнәк. Афәрин, егетләр! Авылны шулай бергә, бердәм булып чистартыйк, – дип шатлыгы белән уртаклаша авыл имамы һәм Түбән Урысбага авыл җирлеге башлыгы Хәйдәр Сибгатуллин.