Яшел Үзән районы Акъегет авылында Халыкара карбыз көнен билгеләгәннәр

- 3 август - Халыкара карбыз көне буларак билгеләп үтелә. Без дә бәйрәмнән читтә калмадык. Рәхәтләнеп тәмле, сусыл карбыз белән сыйландык. Балалар шат күңел белән, рәхмәтләр әйтеп таралыштылар, – дип яза Акъегет мәдәният йортының сәнгать җитәкчесе Рәшидә Борһанова.

Карбыз турында кызыклы фактлар:

• Карбызның ватаны – Африка.
• Карбыз 92 процент судан тора.
• Дөньяда иң авыр карбызның авырлыгы 159 кг. Аны 2013 елда Америка фермеры Крис Кент үстереп, рекорд куйган.
• Карбызның кабыгы да ашарга яраклы. Кытайда һәм кайбер башка илләрдә аларны маринадлыйлар, кыздыралар һәм хәтта цукатлар ясыйлар.
• Баллы булса да, 100 г карбызда нибары 30 ккал чамасы, ләкин анда ликопин (йөрәккә файдалы антиоксидант) һәм цитруллин (кан әйләнешен яхшырта торган аминокислота) бар.
• Япониядә квадрат карбыз үстерәләр. Аларны суыткычта җайлырак торсын өчен махсус куб формасына урнаштыралар.
• Дөньяда карбызның 1200дән артык сорты бар. Алар төсләре, форма һәм хәтта тәм буенча да аерылалар.
• Карбызның орлыклары да файдалы. Кайбер илләрдә аларны киптерәләр, кыздыралар һәм көнбагыш кебек ашыйлар.
• Карбыз Кытайда уңыш символы. Аны бәйрәмнәргә бәхет символы буларак бүләк итәләр.

Фото: Рәшидә Борһанова