Бөек Җиңү көне якынлаша

- Безнең Бишнә авыл җирлегеннән дә 469 кеше Бөек Ватан сугышына китә. Шуларның  215 кеше сугыш кырында ятып кала. Исән ветераннарыбыз юк , урыннары җәннәттә булсын. Авылыбыздагы сугыш чоры балаларын һәм махсус хәрби операциядә хезмәт иткән егетләребезнең әниләрен кунакка дәштек. Чарабызда шигырьләр укылды,Багавиева Ләйсән "Отмените войну" җырын башкарды "Бәйрәм" коллективы матур ретро җырлары җырлады. Лаеклы ялдагы китапханәчебез Фирдәүс апа моңлы җырлары белән кунакларыбызны таң калдырды. Һәрвакытта да Фәүзия апабыз бәйрәмебезне үзенең мөнәҗәте белән моңландырып алды.  Йа, Раббым дөньяларыбыз тыныч, күкләребез аяз булсын иде, - дип яза Бишнә мәдәният йорты җитәкчесе Илфат Сабиров.