Бишнә авылы халкы махсус хәрби операциядә катнашучы егетләргә, акчалата ярдәм җибәрде

- Яшел Үзәннең "Боевое братство" оешмасы әгьзасы Фирая Барыева белән элемтәгә чыгып, егетләргә ярдәм итәргә җыенуыбызны җиткердек. Ул хәзер тепловизорлар аеруча да кирәк булуын әйтте. "Тамчыдан күл җыела" диләр бит, без авыл халкы, мәктәп коллективы белән аерым бер сумма җыеп, бүген илтеп тапшырдык. Егетләребезгә булышу безнең бурычыбыз дип саныйм, бигрәк тә хәзер, алар безнең тынычлык сагында торып, үзләренең гомерләрен куркыныч астына куялар. Безнең ихластан булышуыбыз, аларга аз гына булса да ярдәм булыр дип өметләнәбез. Дөньялар тыныч булып, егетләребезнең исән-имин әйләнеп кайтуларын теләп калабыз,- дип сөйли Бишнә мәдәният йорты мөдире Илфат Сабиров.