Акъегет авылында Россиядәге Хәрби хәрәкәт ветераннары көнен билгеләп үттеләр

– 1 июль көнне, Россиядә Хәрби хәрәкәт ветераннары көне билгеләп үтелә. Әлеге датаның рәсми статусы юк, әмма ул елдан-ел әһәмиятлерәк була бара. Бу көнне без дөньяның төрле почмакларында хәрби хәрәкәтләрдә катнашкан һәм хәзерге вакытта да махсус хәрби операциядәге хәрбиләребезне хөрмәтлибез. Ватаныбызны, илебезне, безне һәм балаларыбызны намус белән саклаган кешеләрне искә алуыбыз бик дөрес, аларның күбесе чит җирләрдә башларын салган. Без аларны беркайчан да онытмабыз, һәрвакыт хәтеребездә сакларбыз.
Бу истәлекле көнне без барлык хәрби егетләребезгә сәламәтлек, тыныч күк йөзе телибез, – дип сөйли Акъегет мәдәният йортының сәнгать җитәкчесе Рәшидә Борһанова.