Акъегет авылында «Көзләр сезнең белән ямьле» дип исемләнгән бәйрәм кичәсе узды

1 октябрь көнне өлкәннәребезне зурлыйбыз. Ләкин әби-бабаларыбыз, гомерләренең «көмеш» чорына кергән апа-абыйларыбыз бәйрәм көнне генә түгел, ә һәрвакыт игътибарга, яратуга, назга мохтаҗ. Аларга рәхмәт белдереп, хөрмәт күрсәтик. Якыннарының кайгыртуын тоеп яшәсеннәр. Алар – безнең тормышны бизәүчеләр. Барлык өлкәннәребезгә сәламәтлек, гаилә җылысы, күңел тынычлыгы телибез.

Акъегет авылында, мәдәният хезмәткәрләре тарафыннан оештырылган, «Көзләр сезнең белән ямьле» дип исемләнгән бәйрәм кичәсе узды. Бәйрәм кичәсен авылдашларны авылыбыз имамы Фиргать Әнвәр улы Биктаһиров, авылыбызның остабикәсе Рәмзия апа Нутфуллина, мәдәният хезмәткәрләре үзләренең ихлас, изге, матур теләкләре белән ачып җибәрде.