Украина сугышчысы бер танкны урлап Россия ягына чыккан

Бу хактагы видеоязманы ДНРның элеккеге мәгълүмат министры урынбасары Даниил Безсонов телеграм каналына урнаштырган. Аның сүзләренә караганда, Украина сугышчысы мондый адымга барачагы турында Россия хәрбиләре белән алдан ук килешеп куйган. Аларның позициясенә исән-сау барып җитү өчен исә танкка утырган.

Даниил Безсонов сүзләренә караганда, Максим Лихачевның элеккеге хезмәттәшләре мондый хәлнең буласын абайламый да калган: алар аны хәрби заданиегә бара дип уйлаган. Максим Лихачев Украинага Польшадан 2022 елның көзендә кайткан. Быелның маена кадәр Украина Кораллы Көчләренең төрле бригадаларында хезмәт иткән.

Чыганак:Ватаным Татарстан