Уртача алганда, Татарстан елга транспорты белән елына якынча 30 млн тонна, ә тимер юл аша 18 млн тонна йөк озата. Бу хакта Татарстанның транспорт һәм юл хуҗалыгы министры Фәрит Ханифов хәбәр итте.
Спикер билгеләп үткәнчә, республиканың уңайлы географик урнашуы йөк ташу өчен транспортның барлык төрләреннән дә файдаланырга мөмкинлек бирә. Моннан тыш, Татарстанда контейнер ташулары балансын саклап калу мөмкинлеге бар. Мәскәү юнәлешендә 10 импорт контейнерына нибары 1 экспорт контейнеры туры килсә, Татарстанда 1 импорт контейнерына 5 экспорт контейнеры туры килә. Министр билгеләп үткәнчә, республикада беренче категорияле юл челтәре булдырылган, ул транспорт-хаб складлары белән актив тулылана. Алар киләчәктә җитештерү мәйданчыкларына әверелдерергә мөмкин булырлык итеп төзелә.
Шул ук вакытта, министр сүзләренчә, йөк ташу күләмен тагын да арттыру өчен логистик процессларны өзлексез һәм җайга салынган итәргә кирәк. Бу юнәлештә Татарстан, аерым алганда, Кытай коллегалары белән хезмәттәшлек итәргә әзер. Элегрәк Татарстан Рәисе Рөстәм Миңнеханов Кытай партнерларына Татарстанда сәнәгать мәйданчыклары булдырырга тәкъдим иткән иде. Республика хакимияте җитештерү мәйданчыкларын төзүдә катнашырга әзер.
Вечерняя Казань
Нет комментариев