Танылган актриса вафат

«Мэри Поппинс» (1964) фильмында миссис Бэнкс ролен башкарган актриса Глинис Джонс үлгән. Бу хакта CNNга аның менеджеры хәбәр иткән. Актриса Лос-Анджелестагы картлар йортында үлгән. Аңа 100 яшь булган. Һөнәренә ул тугыз дистә ел гомерен багышлаган.

Үсмер чакта ук беренче ролен алган. «Мэри Поппинс»тагы роле исә аңа аеруча зур популярлык алып килә. Моннан тыш ул «49-я параллель» (1941), «Идеальный муж», (1947), «Ловкач» (1952), «Вокруг Света за 80 дней» (1956), «Отдать всё, что есть у меня» (1957), «Пока ты спал» (1995) кебек фильмнарда уйный.

Чыганак: Ватаным Татарстан