Елның кайсы аена гына аяк басмыйк, илнең төп кануннарында яңалыклар һәрдаим булып тора. Менә тагын шуларның кайберләре.
2026 елның ноябреннән Россиядә (һәм шул исәптән Татарстанда да) законнарда берничә мөһим үзгәреш үз көченә керә. Алар пенсияләргә, салымнарга, миграция кагыйдәләренә, товарларны маркировкалауга һәм элемтә өлкәсенә кагыла.
САЛЫМНАР ҺӘМ БУХГАЛТЕРЛЫК ИСӘБЕ
Салым бурычларын судсыз түләттерү: физик затлардан салым бурычларын суд карарыннан башка гына хисап счетыннан алу тәртибе кертелә. Әгәр кеше бурыч суммасы белән килешмәсә, ул 30 эш көне эчендә шикаять бирә ала, һәм бәхәсле сумма суд аша хәл ителә.
Бухгалтерлык үзгәрешләре: 1 ноябрьдән кайбер маркировкаланган товарларны исәпкә алу тәртибе үзгәрә, импорт буенча яңа кагыйдәләр кертелә, ә НДС 10% өчен кодлар яңартыла.
ПЕНСИЯЛӘР ҺӘМ СОЦИАЛЬ ТҮЛӘҮЛӘР
80 яшьлек пенсионерларга өстәмә: октябрьдә 80 яшь тулган пенсионерларның иминият пенсиясенә фиксацияләнгән түләү билгеләнә. Гомуми өстәмә аена якынча 10 998,55 сум тәшкил итәчәк (шул исәптән карау өчен өстәмә дә керә).
Очучылар һәм шахтерлар өчен өстәмә: гражданнар авиациясенең очучы экипажлары һәм күмер сәнәгате хезмәткәрләре өчен айлык өстәмәләр яңадан исәпләнә. Бу автомат рәвештә башкарыла, гариза таләп ителми.
МИГРАЦИЯ ҺӘМ ШТРАФЛАР
Чит ил гражданнары өчен штрафлар арта: 3 ноябрьдән Россиядә керү һәм булу кагыйдәләрен бозган өчен штрафлар 2–5 меңнән 4–7 мең сумга кадәр күтәрелә. Шулай ук илдән чыгаруга китерә торган хокук бозулар исемлеге дә киңәя (вак хулиганлык, полиция таләпләренә буйсынмау һ.б.).
ТОВАРЛАРНЫ МАРКИРОВКАЛАУ ҺӘМ ӘЙЛӘНЕШ (“ЧЕСТНЫЙ ЗНАК”)
Үсемлек майлары: 1 ноябрьдән һәр төргәк аерым маркировкаланырга, ә сату документларында маркировка коды күрсәтелергә тиеш.
Озак саклана торган сөт продукциясе: саклау вакыты 40 тәүлектән арткан сөт продукциясе өчен партия исәбе кертелә — документларда партия номерын күрсәтү мәҗбүри була.
Яңа товар төркемнәре: теш щеткалары, тарак, гигиена прокладкалары, мамык, маникюр әсбаплары кебек товарлар өчен маркировка мәҗбүри була.
ЭЛЕМТӘ ҺӘМ СИМ-КАРТАЛАР
Бер кешегә 20дән артык сим-карта булмаска тиеш: 1 ноябрьдән бер физик зат 20дән артык сим-картага ия була алмый. Операторлар иске килешүләрне тикшерәчәк һәм артык номерларны блоклаячак, бу телефон мошенниклыгына каршы көрәш өчен эшләнә.
ТАТАРСТАН ӨЧЕН ТӨБӘК ҮЗЕНЧӘЛЕКЛӘРЕ
Өстәмә ял көне: 2026 елның ноябрендә Татарстанда 6 ноябрь (Җөмһүрият Конституциясе көне) өстәмә ял көне булачак. Шулай итеп, республика халкы өчен ноябрьдә 11 ял көне булачак.
Кыскартылган эш көннәре: 3 ноябрь (бәйрәм алдыннан) һәм 5 ноябрь (Конституция көне алдыннан) эш көннәре берәр сәгатькә кыскартыла.
Нет комментариев