«Мин бер генә нәрсәне әйтәм: суд хөкем чыгарды»
Аның өстеннән инде өченче тапкыр яла ягу һәм намусны пычрату турында гариза биргәннәр.
Хокук саклау органнарына мөрәҗәгатьне Вадим Латыйповның хатыны язган, Латыйповның гаебе белән коточкыч юл-транспорт һәлакәтендә җырчының сеңлесе Диана Сәфәрова һәлак булган иде. Исегезгә төшерәбез, суд карары буенча ир хәзер колониядә җәза срогы үтә. Ул 7 ел утырачак.
Гариза өчен сәбәп Әнвәр Нургалиевның интервьюсы булган, анда ул Латыйповны куркак һәм җинаятьче дип атаган. Җырчы үзе аңлатканча, ул үзенең шәхси фикерен әйткән.
«Мин бер генә нәрсәне әйтәм: суд хөкем чыгарды, ул гаепле дип табылды. Һәм шуның белән бетте», — ди ул.
Нет комментариев