Министрлар Кабинетында киңәшмә

5 май көнне ТР Министрлар Кабинетында төзелеш һәм торак төзү мәсьәләләре буенча видеоконференция режимында республика киңәшмәсе үткәрелде.
Анда әлеге мәсьәләләрне ТР Төзелеш, архитектура һәм торак-коммуналь хуҗалыгы министры Ирек Фәйзуллин яктыртты. Видеоконференция эшендә катнашкан ТР Президенты Рөстәм Миңнеханов төзүчеләргә эшне алып бару өчен уңайлы көннәрдән максималь файдаланырга тиешлекләрен искәртте. Яшел Үзән районында йортларга капиталь ремонт оешкан төстә бара. Халык күңелендә дә төзүчеләргә ышаныч артты, көзгә кадәр ремонтны сыйфатлы башкарып чыгарлар дигән өмет бар.