Эчке эшләр бүлеге республикада III урында

Яшел Үзән эчке эшләр бүлегендә 2013 елга нәтиҗә ясалды. Ел җиңелләрдән булмаса да, хезмәткәрләр зур чаралар уздырганда җәмәгать тәртибен нык саклаган. Универсиада барганда да гражданнарның һәм кунакларның иминлеге тәэмин ителгән. Бүлекнең эффектив эшчәнлеге буенча республикада III урынга чыгуы мәгълүм чынбарлык.
Җәмәгать урыннарында былтыр 531 җинаять теркәлгән. Урамнарда калдырылган «тимер ат» хуҗалары автомашиналардан урлаулар буенча - 84, кузовлары җимерелү турында 34 тапкыр хәбәр иткән. Шундый җинаятьләрне кисәтү максатыннан рейдлар үткәрелгән.