Бишбармак – башкорт халкының традицион милли ризыкларының берсе. Ит, камыр һәм суганнан әзерләнгән бу туклыклы ризык бәйрәм табынының да, гаилә ашының да күрке булып санала.
Фото: ясалма интеллект
Кирәк:
Ит һәм шулпа өчен: 700 г сыер яки сарык ите, 2 л су, 1 баш суган, тоз, дәфнә яфрагы.
Камыр өчен: 400 г он, 1 йомырка, 100 мл су, тоз.
Өстенә салу өчен: 2 баш суган, бераз шулпа, яшеллек.
Әзерләү тәртибе:
- Итне юып, кәстрүлгә салырга, су өстәп, йомшарганчы пешерергә. Пешкән итне вак кисәкләргә турарга.
- Он, йомырка, су һәм тоз кушып, тыгыз камыр басарга. Юка итеп җәеп, ромб рәвешендә кисәргә.
- Камыр кисәкләрен кайнап торган шулпада пешерергә. Суганны боҗралап турарга һәм аз гына шулпа өстәп йомшартырга.
- Зур тәлинкәгә башта пешкән камырны, аннары итне салырга. Өстенә суган һәм яшеллек өстәргә. Аерым савытта кайнар шулпа бирергә.
Нет комментариев