Җыерчыкларга каршы крахмал булыша

Фото: ясалма интеллект

Бу маскалар ботоксны алыштыра ала. Матурлык өчен ясалган уколлардан аермалы буларак – крахмалның тирегә бернинди дә зыяны юк.

Берничә җиңел генә рецепт:

• 1 кашык крахмалны җылы суда җебетергә, шуңа тугланган бер йомырка агы һәм берничә тамчы лимон согы кушарга.
• 1 чәй кашыгы тоз һәм 1 аш кашыгы крахмалны җылы сөттә ботка хәленә килгәнче сыекларга. Шуңа тагын 1 чәй кашыгы бал өстәргә. Бу катнашманы скраб урынына кулланырга була.
• Бер кашык крахмалны шул ук күләмдә кефирда болгатырга, шуңа бер йомырка агы кушарга. Бу маска җыерчыкларны гына бетереп калмый, ә тагын битнең тонусын да күтәрә.
• Берәр кашык крахмал һәм изелгән бананга өй каймагы өстәргә.

Маскалар чиста биткә генә эшләнә һәм аларны 30 – 40 минут тотарга киңәш ителә. Мондый маскаларны атнасына 3 – 4 тапкыр эшләргә кирәк.