Маммография – диагностиканың «алтын стандарты»

Күкрәк бизе яман шеше (РМЖ) Россиядә һәм дөньяда иң киң таралган онкологик авыруларның берсе булып тора. Шул ук вакытта шуны истә тотарга кирәк, ир-атлар да, бик сирәк булса да, шулай ук яман шешнең бу төренә бирешә - барлык ачыкланган очракларның якынча 1 проценты аларга туры килә.

Куркыныч төркеменә беркайчан да бала тапмаган, озак вакыт эстроген гормонын алган, күремнәре иртә башланган яки климакс соң башланган хатын-кызларны кертәләр. Шулай ук артык авырлык, зарарлы гадәтләр, гинекологик авырулар, имгәнүләр һәм күкрәк бизләре җәрәхәтләре дә куркыныч факторларга керә.

РМЖ – үз-үзеңне диагностикалау гадәттән тыш нәтиҗәле булган онкологик авыруларның берсе. Хатын-кыз күкрәк бизендәге яман шеш билгеләрен мөстәкыйль рәвештә үзе таба ала.

Үз-үзеңне тикшерү ай саен күрем тәмамланганнан соң үткәрелергә тиеш. Күкрәк бизендәге тире капламының төсе һәм формасы үзгәрү, тартылуы яки локаль тирәнәюе, «лимон кабыгы» барлыкка килү, сыекча бүленеп чыгу сагайтырга тиеш.

Маммография – диагностиканың «алтын стандарты», РМЖның барлык билгеле вариантларын ачыклауның альтернативасыз ысулы. Маммография Россиядә скрининг программасына керә, 40 яшьтән өлкәнрәк булган һәр хатын-кызга маммографияне ике елга бер тапкыр 75 яшькә кадәр узарга киңәш ителә.

Валерия Феоктистова,

Яшел Үзән медицина профилактикасы үзәгенең гигиена тәрбиясе буенча табибы.