Кәҗә гөмбә — сморчокны ничек ашыйлар

Кәҗә гөмбәсен ничек ашыйлар?

Кыздырып, пешереп, киптереп ашарга мөмкин — җаның ничек тели. Беренче тапкыр җыеп кайтуга табада гөмбә белән суганны кыздырып алып, аннан өстенә йомырка туглап салып та бик тәмле. Бу майлы гөмбәне шулай ашаудан да тәмлесе юк!

Бәрәңге, токмач, карабодай, дөге янына кыздырып салырга мөмкин, мичтә каймак эчендә пешергәч тә телеңне йотарлык була. Соуслар ясарга да бер дигән ул. Пицца һәм пироглар өчен дә кәҗә гөмбәсе ярап куя.

Менә ашка салырга киңәш итмиләр — хуш исе югала. Аннары, тозлау һәм маринадлау өчен бармый ул. 

Чыганак-фото: Авыл хатыны/Сельчанка