Июньдә бакча эшләре

• Айның икенче яртысында кара торма утыртыгыз. Һәр ике атна саен томатларыгызны тирес суы белән ашлагыз. Июнь ахырында фито фторадан эшкәртегез.
• Киләсе сезонда сусыл яшел кыякларыгыз булсын өчен, күпьеллык суган чәчегез. Бик тирән итмичә генә фасоль утыртыгыз.
• Кыярларыгыз тыгыз утырмыймы? Сирәкләгез, аралары 15 сантиметрдан да ким булмасын. Өлгермәгән булсагыз, очларын чеметегез, ян ботаклары артсын.
• Июньдә аю чикерткәсе (медведка) активлаша. Капкыннар ясагыз. Ә кырмыскалардан котылу өчен, тупланган урыннарына кайнар су коегыз. Төрле корткычлардан үсемлекләрне сабынлы көл төнәтмәсе белән коендырыгыз.
• Күбәләк корты (гусеница), шулай ук, куркыныч корткыч. Мочевина эремәсе алардан котылырга ярдәм итәр – үсемлекләрне ике атнага бер шуның белән коендырыгыз.

Фото: Алия Гаязова, «ЯҮ»