Гөбләләргә каршы көрәш
Җәй көне агачларда гөбләләр (тля) барлыкка килмәсен дисәгез, моны яз көне үк кайгырта башлау зарур.
Иң мөһиме - әлеге эшләрне гөбләләрне бакча буенча таратып йөрүче кырмыскалардан алдарак эшләү.
Агачларны бөҗәкләрдән саклауның иң гади төре - агач кәүсәсен пакет белән уратып, җилем сылап кую. Вакыт-вакыт яңа җилем сылап торыгыз.
Ә карлыган куакларындагы гөбләле яфракларны өзеп алыгыз.
Үсемлек кортлары, лайлач әкәм-төкәмнәр һәм гөбләләр әче борыч төнәтмәсен яратмыйлар.
Төнәтмә өчен 3-4 әче борычны ваклап, 1 л суга салыгыз да, 1 сәгать дәвамында кайнатып, 2 тәүлек төнәтегез. Сиптерер алдыннан төнәтмәне бер чиләк суга кушыгыз. Борыч суы бик зәһәр, шуңа күрә сиптергән вакытта резин перчатка, саклагыч күзлек һәм битлек киегез.
Чыганак:Авыл хатыны/Сельчанка
Следите за самым важным и интересным в Telegram-каналеТатмедиа
Нет комментариев