Фольгада пешермәгез!

Алюминий – борчу, тиз кызып китүчәнлек, күңел төшенкелеге, хәтер начараю китереп чыгарырга сәләтле көчле нейротоксин (нерв күзәнәкләренә тискәре йогынты ясаучы) дип табылган.

Алюминийның организмда артык булуы белән үпкәдәге үзгәрешләр, бөерләрдә таш барлыкка килү, фосфор һәм кальций алмашуның бозылуы арасында бәйләнеш ачыкланган.

Фольгада пешкәндә ризыкка 400 миллиграмм тирәсе алюминий эләгә икән. Моңа лимон согы, аш серкәсе һәм тәмләткечләр ярдәмендә барлыкка килгән кислоталы тирәлек сәбәпче. Ул ашамлыкка алюминий кисәкчәләренең сеңүен арттыра.

Фольга урынына махсус пергамент һәм пыя­ла савытлар куллансагыз яхшырак.