Буын сызлаганда әрем мае булыша

Фото: Рәзилә Хәйретдинова, «ЯҮ»

Әремне пыяла банкага тыгызлап тутырырга да өстенә көнбагыш мае салырга.

Бәләкәйрәк кәстрүлгә су салып, шунда банканы утыртып, талгын утта ике сәгать кайнатып алырга кирәк.

Шунысы мөһим: бу вакыт үткәч, сүндереп, шунда суынганчы утырсын. Соңыннан инде майны сөзеп алырга була. Бик шифалы май әзер. Кич авырткан-сызлаган урыннарга сеңгәнче уып ятсаң шифасы зур.

Бердән, арыган-талчыккан аяк-кулга массаж булса, икенчедән, авырту басылыр.