Ачык шешәдәге үсемлек маен күпме сакларга?

Бөтенроссия фәнни-тикшеренү институты (ВНИИ) белгечләре исбатлавынча, температура +4 ...+ 6 °С булганда һәм һаваның чагыштырмача дымлылыгы 75% тан да югары булмаса, үсемлек майлары 1,5-2 ел саклана ала.

Экспертлар сүзләренчә, майны саклау вакыты аның нинди орлыктан алынуына бәйле. Туендырылган май кислоталары күп булган үсемлек майлары туендырылмаганнарына караганда озаграк саклана. Мәсәлән, көнбагыш һәм кукуруз маен — 4 айдан, горчица маен 8 айдан артык сак­ламыйлар. Майны мичкәләрдә бер елга кадәр +4 ...+5 °С температурада һәм яктылык керми торган һаваның чагыштырмача 85% дымлылыгында саклыйлар.
Әгәр үсемлек мае салынган шешә ачылган булса, аны бер ай дәвамында куллану яхшырак.

Май шешәсендә нинди вакыт күрсәтелә?
Аның этикеткасында яраклылык вакыты, ягъни ябык савытта сак­лау срогы күрсәтелә. Ул май салу датасыннан саналырга һәм шулай ук этикеткага төшерелергә тиеш. Күпчелек үсемлек майларының, барлык табигый продуктларның кебек үк, яраклылык вакыты чагыштырмача аз: 12-24 ай. Ул озак вакыт ясалма антиокислительләр кушканда гына саклана ала.

ГОСТ Р 52465-2005 нигезендә, көнбагыш мае өчен гарантияләнә торган минималь яраклылык срок­лары (әзерләнгән көннән):

• «рафинированный дезодорированный» ягъни чистартылган һәм кыздырылган май өчен – 6 ай;
• фасовкаланмаган май өчен – 1,5 ай.

Әгәр чистартылмаган май этикеткасында «консервантларсыз» дип язылган булса, ул 4 айдан артык саклана алмый.

Ачык савыттагы үсемлек маен кайда саклау яхшырак?
Сәүдә челтәрендә шешәләрдәге чистартылган май караңгы бүлмәләрдә 18°Стан югары булмаган температурада һәм һаваның чагыштырмача 85% дымлылыгында сакланырга тиеш.
Ачык майны, Бөтенроссия фәнни-тикшеренү институты белгечләре суыткычта, бөкеләре ябык коры савытта сакларга киңәш итә, чөнки яктылыкта һәм һаваның югары температурасында аның файдалы үзлекләре югала.