Танылган җырчының җиденче баласы туган

«УмаТурман» төркеменнән танылган музыкант, җырчы Сергей Кристовскийның гаиләсендә шатлыклы вакыйга. Ул җиденче тапкыр әти булган. Аның кызы туган. Күңелле хәбәрне хатыны Ксения социаль челтәрләрдә хәбәр итте. Сүз уңаеннан, Ксения Сергейдан 16 яшькә яшьрәк.

Аларны инде хастаханәдән чыгарганнар. Артист өчен бу инде җиденче бала. Аның шулай ук беренче никахыннан дүрт баласы бар, тагын бер никахтан улы үсеп килә, хәзерге хатыны Ксения Кудашкина белән Сергей бер малай тәрбияли иде.

Ватаным Татарстан