Фирдүс Тямаев: «Исәндер дип 4 сәгать көттем...»
Күптән түгел Татарстанның атказанган артисты махсус хәрби операция зонасында булып кайтты. Ул анда Нурлат делегациясе белән барып, үзеннән зур өлеш кертте.
Концертларыннан җыелган 1 миллион сумга кирәк-ярак илтте. Бу барганда баянымны алып барып, егетләрне җырлатам дип тә әйткән иде. Андагы егетләр инде хәзер Фирдүснең килүен үзләре көтеп тора. Әтисе ягыннан энесе дә шунда иде. Кызганыч, нәкъ менә Фирдүс анда вакытта егетнең гомере өзелгән.
“ВТ” журналистына менә ниләр сөйләде ул:
– Алгы сызыкка ук кердек. Энемне күреп, аңа дип алып килгән күчтәнәчләрне тапшырасы идем. Юл буе бөтен егетләрне сөендереп бардык. Энем яшәгән җирдә кунасы идек. Килеп җиткәч, шалтырата башладык. Телефонын алмый. Заданиедадыр дип тынычландым. Аннары башка егетләргә кереп кундык. Иртәгесен энемне күрәсе килеп, барыбер ул яшәгән урынга киттек. Әмма без килгәндә ул урынга 6 снаряд төшкәнен әйттеләр. Исәндер дип 4 сәгать көттем. Тик булмады. Кулымдагы күчтәнәчләрне тотып, елый-елый кире алып кайттым. Йөрәк өзгәләнә. Их! Туганым янына дип юлга чыккан идем бит мин!
Фото: соц. челтәрләрдән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Комментарии
0
0
Ул кучтэнэчлэрне нигэ Кире алып кайттын?кучтэнэчлэрне башкаларга бирергэ иде. Жалко булдымы?
0
0