Фәдис Ганиев: «Иллегә якынлашып килгәндә әти булуны күпләр хупламый»
Фәдис Ганиев белән интервьюдан өзек.
“Аллага шөкер, уртак җимешебез – Кәримебез үсеп килә. Иллегә якынлашып килгәндә әти булуны күпләр хупламый. Саный башлыйлар: ул бала мәктәп беткәндә, сиңа фәлән яшь була, янәсе. Әмма шәхсән үземнем хисапчы, икътисадчы булып, калькуляторда бер нәрсә дә санап утырасым килми. Ходай язмаса, гомерең кыска булса, егермедә тапкан балаңның да киләчәген тәэмин итәлмиячәксең. Алай гомерне исәпләп утырсаң, 25тән соң бала табасы да юк булып чыга бит.
Сәламәтлек булганда, Кәрим улыбыз янына тагы берәр кыз да алып кайтык әле, дип тә әйтәм Лилиягә. Дәү әтинең төпчек баласы туганда аңа 53, дәү әниемә 43 яшь булган. Ул заманда берәү дә сәерсенеп, кирәкмәгән сораулар биреп йөдәтмәгән, тиеш әйбер кебек кабул ителгән”.
Чыганак/фото: Татар эстрада
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев