Элвин Грей тормыш иптәше белән юлда барганда машинасының тәгәрмәче шартлаган. Аларның хәле ничек?
Башкортстанның һәм Татарстанның атказанган артисты, татар эстрадасының популяр җырчысы Элвин Грей юлда авариягә эләккән.
Мәскәүдән Казанга М12 трассасыннан кайтканда Mercedes-Benz Maybach GLS машинасының тәгәрмәче шартлаган.
«Гастрольләр тулы тормышыбызның иң мөһиме – юлдагы иминлек. Бүген моңа кабат инандым. Иртәнге өчтә М12 трассасыннан барганда машинага нидер бәргәндәй булды, аны уңга каера башлады. Баксаң, тәгәрмәч шартлап ертылган икән. Бәхеткә, автоматика шундук барысын да көйләде – рульне стабилизацияләде.
Иң мөһиме, Матурым исән-сау.
Ярдәмгә юл хезмәткәре килеп җитте – узып китмичә, яныбызда туктады. Ул домкрат белән ярдәм итеп, өч тонлык машинаны ничек итеп күтәрттерергә өйрәтте.
Ходайга шөкер, барысы да яхшы тәмамланды», - дип сөйли Радик.
Җырчы сүзләренә караганда ул бик курыккан. Видеода күренгәчә, машинаның резинасы кышныкыннан җәйнекенә алыштырылмаган.
Фото: соц.челтәрләрдән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев