Васильево бистәсендә Бөек Ватан сугышы ветеранына мемориаль такта ачтылар

Николай Михайлович 1922 елда Казанда туа. 1941нченең сентябрендә рентгенотехниклар курсын тәмамлый һәм Калуга кыр госпиталенә юллама белән фронтка китә. Берлинга кадәр барып җитә һәм 1945 елның декабрендә демобилизацияләнә.

Ул «Сугышчан хезмәтләре өчен», «1941-1945 еллардагы Бөек Ватан сугышында Германияне җиңгән өчен» медальләре һәм II дәрәҗәдәге Ватан сугышы ордены белән бүләкләнгән.

Васильевога Малиновскийлар гаиләсе 1967 елда күченә, анда Николай Михайловичны ул вакытта әле территориаль хастаханәнең баш табибы итеп билгелиләр.

35 елдан артык гомерен ул Васильево бистәсендә сәламәтлекне саклауга багышлый, 20 ел эчендә баш табиб һәм хирург булып эшли, соңрак физиотерапевтик бүлек белән җитәкчелек итә.

Нәкъ менә аның җитәкчелегендә хастаханәнең дүрт катлы корпусы төзелә, аның диварында бүген мемориаль такта барлыкка килде.

Николай Михайлович лаеклы ялга 2002 елда 80 яшендә китә.

Танылган табиб эзе буенча аның балалары һәм оныклары, РКБ табиблары: улы Михаил Николаевич, оныгы Николай Михайлович һәм оныгы Ольга Михайловна да китә. Бүген алар шулай ук безнең белән әлеге чарада катнашты.

Тантананы оештыручыларга, Васильево район хастаханәсе коллективына һәм ветераннарына инициатива, җылы сүзләр һәм кече ватанга ихлас мәхәббәт өчен рәхмәт белдерәм!

Михаил Афанасьев