«Үз артыңнан җыештыру шуның кадәр авыр эшме икән соң?!»
Елга, күл буйларында, табигать кочагында ял итәргә яратабыз да инде. Тик менә шул күңел ачып утырган җирдә ничек итеп чүп-чар калдырырга була икән ул?
Карамалы Тау бистәсе яшьләренә иде сүзебез. Әле кайчан гына активистлар яр буен җыештырды, ә инде ял көннәреннән соң без кабат күңелсез «пейзажны» күрдек. «ЧистоВолонтерлар» иреклеләре, учреждение хезмәткәрләре, мәктәп укучылары һәм бистәдә яшәүче битараф булмаган кешеләр тәртип урнаштыру өчен даими рәвештә өмәләргә чыга. Ләкин чүп-чар кабат-кабат пәйда була.
Үз артыңнан җыештыру, туңдырма төргәген, тәмәке төпчеген чүп савытына ташлау шуның кадәр авыр эшме икән соң?! Табигатьне бергә-бергә саклаганда гына ниндидер нәтиҗәләргә ирешеп була торгандыр ул!
Кадерле укучыларыбыз! Сез дә, борчыган проблемаларыгыз турында 5-68-03 телефонына шалтыратып, редакциябез хезмәткәрләре белән бүлешә аласыз.
Фото: «ЯҮ» архивы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев