«Шундый гамьсез булырга ярамый»

Фото: Рәзилә Хәйретдинова, «ЯҮ»

Еш кына: «Балаларыгызны юл аркылы чыгарга өйрәтегез!» дигән сүзләрне ишетергә була. Дөрес фикер, тик мин өлкәннәргә дә юлда йөрү кагыйдәләрен исләренә төшерер идем. Кайберәүләрне күреп, исең-акылың китә. Беркөнне матур гына киенгән ханым як-ягына карамыйча гына, үз көенә юл аркылы чыгып бара. «Пешеходный» да түгел, светофор да юк. Машиналар мыж килеп йөри торган җир. Ә ул, мин сиңа әйтим, патшабикә, диярсең. Тирә-юньгә күз салырга уйламый да. Менә шундый гамьсез булырга ярамый бит инде, машина шып итеп туктый алмый, хәзер кышкы юлларда аеруча куркыныч. Ничек кенә булса да, һәрберебез игътибарлы булсак иде.