«Кеше ниләр генә сатмый...»

Фото: Чулпан Гыйсмәтуллина, «ЯҮ»

Алам-сатам белдерүләр төркеменә кереп карасаң, шаккатасың. Кеше ниләр генә сатмый. Борынгы замандагы савыт-сабасын да, модасы чыккан өс-киемне дә, таушалып беткән җиһазларны да. Имгә дә ярамаган әйберләрне алучысы бармы икән дип аптырыйм. Андый нәрсәләр һәр йортта җыела инде ул. Сатарга дигән уйның башка да килгәне юк. Авылга алып кайтабыз, яисә чүплеккә чыгарып ташлыйбыз.