Яшел Үзәндә урнашкан кием-салым кибете халыкка бәйрәм оештырды

Шәһәр үзәгендә урнашкан кием-салым кибете товарга 50 процент ташлама ясап, халыкка бәйрәм оештырды бит. Безнең эштә кызлар төшке аш саен шунда чаба башлады. Ашау-эчү дә онытылды. Ничек тә арзанлы бәядән, кирәкме, кирәкмиме, әйбер алу максат булды. Ничә еллар җыелып яткан товар, ниһаять, хуҗаларын тапты. Кибет киштәсе бушап калды. Кеше куян куа диеп, мин дә калмадым инде, авылга бер галош булса да алдым. Пакет-пакет әйбер тутырган кешене күреп, шатландым. Вәт башка кибетләргә дә үрнәк бу! Товарыгыз сатылмыймы? Ташлама ясагыз! Ике көндә кырып-себереп алып бетерәчәкләр.