«Бәхет акчадамы соң?!»

Фото: Рәзилә Хәйретдинова, «ЯҮ»

Россиялеләр фикеренчә, аена 48 мең сумнан түбәнрәк хезмәт хакы булган кеше ярлы дип санала. Ә байлар исәбенә 930 мең сум алучылар керә. Бәхет өчен исә россиялеләргә ай саен кимендә 257 мең сум кирәк икән. Бу саннарны укыйм да, хәерче булуыма тагын бер кат инанып куям. Аның каравы, акчамны кая куярга, нинди банкта саклыйм һәм бу айда кайсы илгә ял итәргә барыйм дип, чәчем агармый. Без инде шул аз акчага да шөкер итә белеп яшәүче буын. Аллаһ исәнлектән аермасын. Аннан күзәтүләремнән дә чыгып әйтә алам, байларның күбесенең гаиләләре тигез түгел. Бәхет акчадамы соң?!