«Авылда да, калада да тәртип бертөрле булсын иде»

Авылга каникулга балалар кайтып тулды, урамда җанлылык сизелә. Күңелле чак, рәхәт чак. Хәзер бит авыллар да шәһәрдән ким түгел, балалар, спорт мәйданчыклары ясалган, ял итү өчен мөмкинлекләр җитәрлек. Тик бер аерма бар, шул хакта онытып җибәрмәсеннәр иде. Авылда ишегалларын, урамнарны махсус себерүчеләр юк. Шуңа да туңдырма, чипсы ише ризык пакетларын ташламасыннар иде. Шәһәрдә дворниклар бар, ташласаң да ярый дип, уйлый күрмәгез тагын. Юк, авылда да, калада да тәртип бертөрле булсын иде.

Кадерле укучыларыбыз! Сезнең дә сөйлисе яңалыкларыгыз, борчыган мәсьәләләрегез булса, 5-68-03 телефонына шалтыратып, редакциябез хезмәткәрләре белән бүлешә аласыз. Шалтырату АНОНИМ.

Фото: «ЯҮ» архивы