«Аңсыз кешеләр өчен өстән штраф рәвешендә контроль булырга тиеш»

Столичная урамы буйлап матур мәчет аллеясен узгач, ахырда күзгә бәрелеп торган чүп өеменә тап буласың. Күрәсең, кайберәүләр шушындый матур яшеллек һәм шәхси йортлар арасында чүплек оештырырга булган. Әлбәттә, бу шапшаклык күктән төшмәгән. Кешеләр машиналарда килеп, бамперларын, унитазларын һәм башка чүп-чарларын туп-туры газонга гына бушата! Әлбәттә, бу безнең шәһәр халкының үз гаебе һәм җаваплылыгы... Әмма мондый аңсыз кешеләр өчен өстән штраф рәвешендә контроль булырга тиеш дип уйлыйм. Аларны башкача куркытып та булмый. Шәһәребез хакимияте бу хәлгә игътибар итәр дип ышанам!

Кадерле укучыларыбыз! Сезнең дә сөйлисе яңалыкларыгыз, борчыган мәсьәләләрегез булса, 5-68-03 телефонына шалтыратып, редакциябез хезмәткәрләре белән бүлешә аласыз. Шалтырату АНОНИМ.

Фото: Зеленодольск. Онлайн