Казанда активистлар приставлардан ЗТО буенча проект документациясен алырга баш тартты

Казанда каты калдыклар заводы (ЗТО) төзелешенә каршы активистлар, приставлар суд карары буенча бирергә әзер булган проект документациясен алудан баш тартты. Бу хакта “Татар-информ” мәгълүмат агентлыгына ТР буенча ФССП идарәсендә хәбәр иттеләр.

Федераль суд приставлары хезмәтенең ТР буенча идарәсе мәгълүмат чаралары белән үзара эшчәнлек буенча баш белгеч-эксперт Лилия Халимова аңлатканча, суд приставларының Вахитов район бүлегендә "АГК-2" ҖЧҖне "Елына 550 000 тонна куәтле каты коммуналь калдыкларны термик зарарсызландыру заводы" проект документациясе материалларын тапшыру турында суд карары бар.

«2 мартта документларны тапшыру буенча суд карарын үтәү планлаштырылган иде, әмма түләтүче төрле сәбәпләргә сылтама ясап, документларны кабул итүдән баш тартты», - дип хәбәр итте Хәлимова.

Соңрак активистлар вәкиле документларны кабул итү процессын кичектерүне сорады, чөнки бу процессның закон буенча ничек башкарылырга тиешлеген аңлатуларын сорап, судка мөрәҗәгать итте. ЗТО төзелешенә каршы активистлар юристы аңлатканча, алар документларның төп нөсхәләрен алырга исәп тотканнар, ә аларга ксерокопияләр биргәннәр, шуңа күрә аларны кабул итмәгәннәр. «АГК-2» ҖЧҖ вәкиле сүзләренә караганда, «Принципъ» компаниясе, чыннан да, Казан энергетика утильләштерү заводы буенча документлар кабул итүдән баш тарткан. 65 том итеп тегелгән, номерланган һәм штампланган документлар реестр нигезендә , барлыгы 7 тартма.

"Моннан тыш, иң гаҗәбе, "Принципь" вәкилләре хәтта тартмаларны ачып та карамаган. Шуңа күрә документлар начар укылган яки тиешенчә рәсмиләштерелмәгән дигән раслауларны провокация, дип саныйбыз. Шунысын да билгеләп үтәргә кирәк, әлеге документлар күләме ведомствога электрон рәвештә тапшырыла торган экологик экспертизаларга караганда, күп тапкырлар артык. Документлар комплекты суд карары нигезендә әзерләнгән һәм тиешенчә рәсмиләштерелгән. Без әлеге документларны ММЧ вәкилләренә күрсәтеп, әйтелгәннәрне расларга әзер", - дип аңлаталар Альтернатив генерир компаниядә.

"АГК-2" ҖЧҖ вәкиле мәгълүматы буенча, элегрәк Мәскәү асты заводларының берсе буенча шундый ук документлар комплектын, шулай ук, "Принципъ" МОБО вәкиле бернинди искәрмәләрсез кабул иткән. Предприятие эшчәнлегенең экологик параметрларын ачыклау документларын компания беренче таләп буенча ук ала алган. Һәм компания вәкилләре моны белә. Әмма МОБО "Принципъ", чит ил партнерларының барлык технологик һәм җиһазлар параметрлары булган документларның тулы комплектын гына кабул итәчәгенә басым ясады. Нәкъ менә шуңа күрә без судта үз позициябезне якларга мәҗбүр булдык, чөнки әлеге мәгълүмат Россиядә тәкъдим ителгән технологиянең уникальлеге аркасында коммерция сере булып тора.

Шунысын билгеләп үтәргә кирәк, ЗТО проектына каршы кешеләр соңгы вакытта хакимият вәкилләре белән аралашуга да кызыксынуларын югалтты. "Татар-информ" мәгълүмат агентлыгына ТР Экология һәм табигый байлыклар министрлыгында хәбәр итүләренчә, 3 мартта проектка каршы торучылар министр Александр Шадриков белән очрашуга язылган, ләкин уңышка ирешмәгәннәр.

"Министрлыкка алар килмәде һәм безнең шалтыратуларга җавап бирмәделәр, бары тик трубканы алмадылар", - диделәр министрлыкта.
Телеграф-канал авторы Bikbov.guru фикеренчә, ЗТО төзелешенә каршы активистлар үзләрен оныттырмау һәм ММЧ да күренү өчен төрле юлларын таба.
"2019 елның 4 сентябрендәге Мәскәү Арбитраж судының "Альтернатив Генерирующая Компания № 2" кулланучылар хокукларын яклау һәм әйләнә-тирә мохитне саклау җәмгыятенең проект документациясен "Принципъ" бирергә тиеш дигән карары бар, ул активистлар тарафдары. Бу карарга апелляция булды, ләкин ул кире кагылды, шуңа күрә менә, документлар. Ә алар оригиналлар таләп итә. Оригиналлар барлык теләүчеләргә бирерлек күләмдә була алмый. Күчермәләр эшләнә, мөһер һәм оешма җитәкчесенең имзасы белән раслана. Әгәр яраса, проект документациясен, уңга-сулга таратыр өчен, 10-20 нөсхәдә ясарлар иде. Теләсә кайсы оешманың гадәти практикасы бар: әгәр документлар сорасалар һәм җитәрлек күләмдә оригиналлар булмаса (кагыйдә буларак, максимум 2-3 оригиналын ясыйлар), күчермәләр ясала, таныклана. Аларга менә, зинһар, алыгыз, дип документлар бирәләр әле - ди Альберт Бикбов.

Телеграм-канал авторы әйтүенчә, Альтернатив Генерир Компаниянең ни өчен документлар белән уртаклашырга ашыкмаганын ул яхшы аңлый.
"Ни өчен 2 нче номерлы АГК активистлар белән судлаша һәм документация бирергә теләми? Чөнки бу "Принципъ" компаниясе - нулевка. Ул кайдадыр МКАДта чәчәкләр һәм шаурма арасында сәүдә павильонында урнашкан. Бу - ларек. Хисапларга караганда, бу компаниянең инде берничә ел әйләнеше бөтенләй юк. Бу ниндидер буш фирма. Штаты, абруе булган экология өлкәсендәге эшчәнлекне алып баручы хөрмәтле оешманың документларын бирү – бер нәрсә. Ә рәсми хисап буенча баланста ноль булган ниндидер ларекка бирү – икенче нәрсә . Бу ларек нинди максатларны күз уңында тота икән? "- дип сорау бирә Бикбов.

Сер түгел, коммерция серен ача торган материаллар бар. Мәсәлән, материалларны өйрәнеп, аннары тәэмин итүчеләргә басым ясый башларга, технологиянең ниндидер ябык өлешен, төрле ноу-хауларны игълан итәргә мөмкин. Шуңа күрә алар белән судлаштык, дип ышандыра ТГ-канал авторы.

Хәзер 2 нче номерлы АГК документларны билгеләнгән тәртиптә тапшыра. Сезнең максатларыгыз яхшыдан булмаса да, менә документация. Алыгыз, өйрәнегез, нәтиҗәләр ясагыз. Шадриков аларны канәгатьләндерми, аларга Миңнеханов, Рим атасы, Далай-лама кирәк. Монда пиарны күпертү бара. Бу "Принципъ" штаттан башка, әйләнешләрсез, мөгаен, барлык документларны бәяләү өчен нормаль белгечләрне җәлеп итә алмагандыр. Ә мондый рәвештә аларга документлар кызык түгел. Аларга моның тирәсендәге хайп кызыклы. Тагын митинг җыярга мөмкин булачак, коронавируска карамастан. Аларны ничек изүләре, оригиналлар бирмәүләре, Миңнехановны бирмәүләре, хокуклары турында кычкырырга кирәк, һәм гомумән, Керпель үзен депутатлыкка тәкъдим итү планнары турында белдерәчәк. Ягъни аларга моның тирәсендә теләсә нинди юл белән кычкыру, җәнҗал кирәк ", - дип ышана Альберт Бикбов.