Ярты елда Татарстанда 227 бала юл-транспорт һәлакәтендә зыян күргән
Алты ай эчендә аварияләрдә 227 бала зыян күргән, алтысы һәлак булган. Бу хакта бүген ТР Министрлар Кабинетында узган брифингта Татарстан сәламәтлек саклау министры Әлмир Абашев хәбәр итте.
Фото: Чулпан Гыйсмәтуллина, «ЯҮ»
«Быелның 6 аенда балалар катнашында 206 юл-транспорт һәлакәте булган, аларда алты бала һәлак булып, 227 бала зыян күргән. Юл-транспорт һәлакәтләрендә балалар баш-мие җәрәхәтләре, сынулар, имгәнүләр ала. Кызганыч, соңгы вакытта берничә резонанслы авария булды, аларда балалар зыян күрде», – дип сөйләде министр.
Зыян күргән балаларның 189ы хастаханәгә салынган, 89 балага амбулатор ярдәм кирәк булган.
Резонанслы юл-транспорт һәлакәтләре арасында ул 24 июльдә Яшел Үзәндә булган аварияне билгеләп үтте, анда алты кеше, шул исәптән балалар һәлак булды. 11 июльдә Чирмешән районында 45 кеше зыян күргән. 4 августта Лаеш районындагы юл-транспорт һәлакәтендә дүрт кеше зыян күргән.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев